كلمات أغنية "هذا هو الكويتي"

أغنية "هذا هو الكويتي" هي أغنية أطلقها بنك الكويت الوطني في العام 2015 بمناسبة العيد الوطني وعيد التحرير، ولاقت الأغنية رواجا كبيرا وأصبحت من أبرز الأغاني الوطنية الجميلة التي يرددها الناس في الكويت.

الأغنية هي من كلمات وألحان بشار الشطي وغناء الفنان نبيل شعيل، الفنان سليمان القصار والفنان بشار الشطي.

اليك كلمات أغنية "هذا هو الكويتي":

هذا هو الكويتي

هذا اللي فاتح داره.. هذا هو الكويتي

ويحب اهله وجاره.. هذا هو الكويتي

تحسه فيك ومنك.. حتى ولو ما يعرفك

عمره ابد ما يردك.. هذا هو الكويتي

خف طينه ابد ما صارت.. هذا هو الكويتي

والناس كلها قالت.. ماكو مثل الكويتي

جمال وذوق وكشخه.. من لويته تعرفه

احسن رفيج بسفره.. هذا هو الكويتي

يزعل ويرضى بساعة.. هذا هو الكويتي

زود الكرم بأطباعه.. هذا هو الكويتي

يحب يساعد غيره. . حچر وفيه الغيرة

كل شي عنده خيرة.. هذا هو الكويتي

ما مثلها ابدا مثيل.. هذي هي الكويتية

مهما اقول والله قليل.. يا زين الكويتية

كلها حلا وكلها دلال.. بالشدة هي اخت الرجال

تبدع اذا دخلت مجال. . هذه هي الكويتية

قدساوي او عرباوي.. هذا هو الكويتي

شاعر اديب وراوي.. هذا هو الكويتي

يفهم رياضة وشعر. . تلقاه سياسي في تويتر

ما مثله بالدنيا بشر هذا هو الكويتي

دايم هو قد الثقة.. هذا هو الكويتي

واللي براسه يحققه.. هذا هو الكويتي

يحب بلاده وطني. . واضح صريح وعلني

اللي عشانه نغني.. هذا هو الكويتي

من مثلهم قولوا منو. . هذا هو الكويتي

لتعاهدوا وتكاتفوا.. هذا هو الكويتي

تاريخ يشهد بالغزو.. ولما وقفوا بوجه العدو

شيعة حضر سنة بدو.. هذا هو الكويتي

هذا هو.. هذا هو.. هذا هو.. هذا هو.. . هذا هو الكويتي